Tuesday, 8 March 2022

मूरत मात री चिरजा लिरिक्स मूरत करनल री murat mat ri chirja lyrics kavi Pranjal Karni Mata fagun chirja lyrics

 



मूरत मात री सगला भगतां रो मनडो मोवै सा

मूरत मात री

मनडो मोवै सा मगन मन निरख्यां होवै सा

मूरत करनल री



नैणा मांही घोर अंधारो उर मांही अपणाई सा 

हिवडै रै नैणा सूं बनो मूरत बणाई सा 

मूरत मात री 



मूरत ऐसी घडी मात री चांद सूरज शरमावै सा 

त्रिलोकी रो नाथ ध्यान तज निरखण आवै सा 

मूरत मात री 



खूब करयो सिणगार मिश्र जी रंग सिंदूर रचावै सा 

मुख पर धोली दाढी मात री खूब लुभावै सा 

मूरत मात री 


दूर दूर सूं टाबर थारै दर्शन रै हित आवै सा 

दरश करयां जगदंब रा दुखड़ा कट ज्यावै सा 

मूरत मात री 



हिडदै में बसज्यो हिंगलाजा प्रांजल देव मनावै सा 

रामोतार रै कंठ बसो थारा गुण नित गावै मां 

मूरत मात री

प्रहलाद सिंह कविया प्रांजल 

No comments:

Post a Comment

सातम वाळी झाँकी

मामा म्हारै आंगण आव भैरवा चिरजा लिरिक्स

  मामा म्हारै आंगण आय भैरवा रै मिणधर म्हारै आंगण आय भैरव मुख मंडल पर तेज करारो लांगडिया लटियाला भैरू दोन्यू भाई संग सदा ही ऊबा गौरा काला भैं...