अंबे म्हारी बीस भुजाली मात मावड़ी देशाणै वाली
अंबे म्हारी लाल धजाली मात मेहाई देशाणै वाली
थे तो चारण कुल अवतारी कर में सोवै तेज कटारी
सजो थे केहर पर असवार मावड़ी देशाणै वाली
तेमड से आवड मां आज्यो म्हानै आशीशा बगसाज्यो
ल्याजो ल्याजो नवलख साथ मावड़ी देशाणै वाली
संग में खुडद धिराणी आवो म्हारै कुमकुम पांव धरावो
आगै काला गौरा बीर रमै मढ देशाणा मांही
लागै जोरा सू जयकारा द्वारै ऊबा टाबर थारा
दीज्यो दर्शन मेह दुलार मावड़ी देशाणै वाली
आरत थाल सजावा थारो करणी नाम अमी रस प्यारो
म्हानै राखै लाड लडाय मावड़ी देशाणै वाली
थारी मूरत मनडै भावै प्रांजल देवराज नित ध्यावै
महिमा गावै रामोतार मावड़ी देशाणै वाली
प्रहलाद सिंह कविया प्रांजल
No comments:
Post a Comment