करनल बेगा सा पधारो टाबर बाट निहारै
बाट निहारै ओ सेवग बाट निहारै
डाढ्याली बेगा सा पधारो बालक बाट निहारै
मेहाई देशाणै मंदिर रै मांही रास रचावै
रास रचावै ओ नवलख रास रचावै
मेहाई देशाणै मंदिर रै मांही रास रचावै
मेहाई निज मढ़ मांही सेवक जौत जगावै
जौत जगावै ओ थारी महिमा गावै
मेहाई निज मढ़ मांही सेवग जौत जगावै
मेहाई थारोड़ै मंदिर में काबा धूम मचावै
धूम मचावै मात रा दर्शन पावै
मेहाई थारोडै मंदिर में काबा धूम मचावै
डाढ्याली सेवगड़ा री साद सुणन्ता दौड़्या आवै
दौड्या आवै मावड़ी शेर सजावै
मेहाई सेवगां री साय करण नै दोड्या आवै
डाढ्याली देशाणै मंदिर मांही जयकारा लागै
जयकारा लागै दरश कर दुखड़ा भागै
डाढ्याली दैशाणै मंदिर मांही जयकारा लागै
मेहाई प्रांजल देव आपनै मैया रोज मनावै
रोज मनावै मात थारो शरणो चावै
डाढ्याली प्रांजल देव आपनै मैया रोज मनावै
मावड़ी रामोतार फतेहपुर वालो चिरजा गावै
चिरजा गावै ओ मुरली जौत जगावै
मेहाई रामोतार आपरी अंबा चिरजा गावै
प्रहलाद सिंह कविया प्रांजल
No comments:
Post a Comment