मतवाला काला रास रमै मढ आगै हां
चौसठ जोगण सागै.... चौसठ जोगण सागै
मतवाला भैरू रास रमै मढ आगै हां
कर कडलो सोवै पगल्यां घूघरिया बजावै... २
छम छम नाचै भैरू नाथ
मतवाला काला.....
चढ स्वान सवारी भगतां रा कारज सारै... २
मनडै री सुणै मामो बात...
मतवाला काला
अंतरियो महकै तेल फुलेल लगावै.... २
शुभ दर्शन मनभाय
मतवाला काला
भैरूजी नै ध्यावां सातों ही सुख बगसावै... २
बिगड्या सुधारै मामो काज
मतवाला काला
जाजम ढलवाद्यां बाबन बीर बिराजो... २
भैरूजी रुच रुच भोग लगावो
बल बुद्धि बगसो घट मांही करो थे उजाला... २
प्रांजल रै रहिज्यो मामा साथ
No comments:
Post a Comment