माता जी की चिरजा

🚩 ॐ  नमो माँ  करणी 🚩

🚩✍🏻चिरजा- तर्ज- सुपनो ✍🏻
रचियता - सांवल दान देपावत-         
               देशनोक
----------------------------------------
सुपनो आयो आधी रात मे-2
सुपने मे आया करणी माय,
साथीङां म्हाने देशाणो दिखाद्यो जी ।
साथीङां म्हाने देशाणे पुगाद्यो जी जी ।। टेर ।।

सुरजी रे सामी बणियो देवरो-2 ,
रतना रो जङियो किवांङ ।
जङित मे हीरा पन्ना जङिया जी
साथीङां म्हाने देशाणो दिखाद्यो जी ।।•••••

मढ मे दिखे काबा दौङता-2,
दङ-बङ दौङ लुभाय, धवल काबो निजरां में आयो जी
साथीङां म्हाने देशाणो दिखाद्यो जी।।••••••

झिल-मिल करती जोतरा-2,
दर्शन हुया मढ माय ,सुन्दर मुख निरखण लाग्या जी ।
साथीङा म्हाने देशाणो दिखाद्यो जी ।।••••

देशाणे मे आवे घणा जातरी -2,
निव निव धोक लगाय ,भक्तां ने मैया देशाणे बुलाल्यो जी ।
साथीङा म्हाने देशाणो दिखाद्यो जी ।।•••••

कर बद्ध गावे चिरजा मातरी-2,
सांवल चित में लाय ,मन्दिर म्हाने प्यारो लागे सा ।
साथीङा म्हाने देशाणो दिखाद्यो जी ।।••••

रचियता-  सांवल दान देपावत     
              (पप्पू दान चारण)
                 देशनोक 🙏🏽🙏🏽