करनी माता की चिरजा

🚩___ॐ करणी मंगलम__ 🚩

~~~~~~~~~~~~~~~~~
   चिरजा श्री माँ करणी जी री
----------------------------------------
सात द्वीप नव खण्ड रमे,
जुनी जोगणिया ।
(जुनी जोगणिया)
दीपे देशाणा मे जोत
रम रही रासङल्यां ।।टेर।।••••

औढ लाखीणी लौवङी जी,
रमे नवलख साथ ।
(रमे सगत्यां रो साथ)
मधुरी मधुरी रास,
पङगी सांझङल्या ।।••••••

सातम री प्रभात,
बाजे पग पैजनिया ।
(पग मे पायलिया)
धुधरू सुनावे नाद,
मेहाजी री झूंपङल्या ।।

आज भलो दिन ऊगियो जी,
इण आंगणिये ।
(मढ रे प्रांगण में)
प्रगटी माँ हिंगलाज,
कर रही बातङल्यां ।।

सांवल री अर्जी सुनो जी,
म्हारी करनल माय।
(म्हारी रिधु माय)
भक्तां रो कारज सार,
भोळा है टाबरिया ।।

सात द्वीप नव खण्ड रमे ,
जुनी जोगणिया 2
दीपे नगर मे जोत,
रम रही रासङल्यां ।।
🚩सांवल दान देपावत 🚩
🚩देशनोक 🙏🏽🙏🏽